X700XXU2AVH4 | Samsung Firmwares. by pda | TL

One UI 4.1.1 na Update


Multitasking

Mabilis na magpalipat-lipat sa mga app
Lumalabas na ngayon ang taskbar sa ibaba ng screen para sa mas mabilis na pagna-navigate sa pagitan ng mga app.

Mabilis na buksan ang mga app sa split screen o pop-up na window
I-drag ang mga app mula sa taskbar o screen ng Mga Kamakailang bagay upang mabuksan ang mga ito sa paraang pinakamadali para sa iyo. I-drag sa itaas, ibaba, kaliwa, o kanang gilid ng screen upang mabuksan sa split screen. I-drag sa gitna ng screen upang mabuksan sa isang pop-up.

Mabilis na magbukas ng mga app pair
Ipares ang mga app na madalas mong magkasamang ginagamit, pagkatapos ay idagdag ang mga ito sa Home screen o sa taskbar para mabuksan mo ang mga ito sa split screen sa isang pag-tap lang.

Madaling lumipat mula sa pop-up view patungo sa split screen
Kapag gumagamit ka ng app sa pop-up view, i-tap lang ang split screen button sa loob ng window handle. Magagawa mong pumili ng pangalawang app na bubuksan sa tabi nito.

Baguhin ang iyong view gamit ang isang gesture
Lumipat mula sa full screen patungo sa split screen na view sa pamamagitan ng pag-swipe paloob gamit ang dalawang daliri mula sa kaliwang bahagi, kanang bahagi, o ibaba ng screen. Lumipat mula sa full screen patungo sa pop-up view sa pamamagitan ng pag-swipe paloob gamit ang isang daliri mula sa alinmang sulok sa itaas ng screen. Maaaring i-on o i-off ang mga gesture sa Settings.

Ipakita ang mga pangalan ng app sa edge panel ng Mga App
I-on ang Ipakita ang mga pangalan ng app upang ipakita ang mga pangalan ng app sa ibaba ng mga icon ng app.


Mag-extract at mag-scan ng text

Mag-extract ng text mula sa anumang larawan o screen
Mag-extract ng text gamit ang Samsung Keyboard, Internet, Gallery, o tuwing kukuha ka ng screenshot. I-paste ang resulta sa mensahe, email, o dokumento sa halip na mag-type.
Pwedeng ma-extract ang Korean, English, French, Italian, German, Portuguese, Spanish, at Chinese na teksto.

Makatanggap ng mga mungkahi batay sa text sa mga larawan
Kapag may text ang sa isang imahe sa Gallery, Camera, o iba pang app, may mga aksyong irerekomenda ang batay sa text. Halimbawa, kung kukuha ka ng larawan ng isang karatulang may numero ng telepono o web address, maaari kang mag-tap para matawagan ang numero o mabisita ang site.


Mga bagong opsyon sa pagtawag

Madaling makita kung sino ang tumatawag
Magtakda ng ibang background ng tawag para sa bawat contact para madali mong makita kung sino ang tumatawag sa isang sulyap lang.

Mga video call gamit ang Google Meet
Ang Google Duo ay isinama na sa Google Meet. Maaari ka na ngayong sumali sa mga 1:1 na video call pati na rin sa mga panggrupong video conference lahat sa iisang lugar gamit ang Google Meet.


Ipahayag ang iyong sarili gamit ang Samsung Keyboard

Baguhin ang puwesto ng mga button ng ekspresyon
Pindutin nang matagal ang emoji, sticker, at iba pang mga button upang baguhin ang puwesto ng mga ito.

Maglagay ng kaomoji nang direkta mula sa keyboard
Pasayahin ang iyong mga chat at text gamit ang mga preset na Japanese-style na mga ekspresyon ng mukha na ginawa gamit ang mga simbolo ng keyboard. (*^.^*)


Higit pang mga pagpapahusay

Mas mahusay na paghahanap sa Aking mga File
Piliin kung sa lahat ng file o sa mga file na nasa kasalukuyang folder lang maghahanap. Maaari ka ring pumili sa pagitan ng paghahanap lang ng mga pangalan ng file o paghahanap ng impormasyon sa loob ng mga file, tulad ng text sa mga dokumento o impormasyon ng lokasyon sa mga larawan. Kapag tapos na ang iyong paghahanap, maaari mong isalansan ang mga resulta ayon sa pangalan, petsa, laki, o uri ng file.

I-drag at i-drop ang mga bookmark sa pagitan ng mga folder
Panatilihing nakaayos ang iyong mga bookmark sa Samsung Internet sa pamamagitan ng pag-drag at pag-drop sa mga ito sa pagitan ng mga folder.

I-edit ang iyong koleksyon ng wallpaper ng Lock screen
Pagkatapos pumili ng grupo ng mga larawang gagamitin para sa iyong Lock screen na wallpaper, madali kang makakapagdagdag o makakapag-alis ng mga larawan sa ibang pagkakataon.