Samsung Firmware SM-S916B MM1 S916BXXU6CXH7 S916BOXM6CXH7 S916BXXU6CXH7 | TL

Update sa One UI

Galaxy AI

Gawing kahanga-hangang mga larawan ang simpleng mga sketch
Magsimula sa isang simpleng pagguhit, piliin ang iyong istilo, at hayaan ang Galaxy AI na gawin itong isang mapang-akit na likha ng sining. Maririyan ang Sketch to image sa Samsung Notes, Photo Editor, Smart select, at sa mga Edge panel.

Lumikha ng natatanging mga portrait
Sa malawak na iba’t-ibang mga istilo ng portrait na binuo ng AI, maaari kang lumikha ng ganap na bagong hitsura para sa sarili mong larawan sa profile sa Mga Contact o sa ibang tao, o gamitin ang Photo Editor sa pag-imbento ng bago para sa alinman sa iyong mga larawan na may mga mukha sa mga ito.

Hayaang gawin ng iyong telepono ang pagsulat para sa iyo
Kapag kailangan mong magsulat ng isang bagay, text man ito, email, o post sa social media, maaari kang magsimula sa pamamagitan ng pagbibigay sa bagong Composer ng Samsung Keyboard ng maikling kahilingan o snippet ng text, pagkatapos ay hayaan ang Galaxy AI na gawin ang iba pa.

Isaling wika ang mga tawag sa mas maraming mga app
Makipag-usap lamang sa telepono at makakakuha ka ng pagsasaling wika ora-mismo, na tutulong sa iyong magtanggal sa mga hadlang sa wika. At ngayon, dagdag pa sa Samsung Phone app, maaari kang makakuha ng ora-mismong pagsasalin sa suportadong mga voice calling app gaya ng Google Meet at WhatsApp. Habang nasa tawag, i-tap ang Live translate sa quick panel upang simulan ang pagsasalin.

Isaling wika ang teksto ng larawan sa mga webpage
Kunin ang buong webpage sa iyong wika. Kapag nagsalin ka ng webpage sa Samsung Internet, maisasalin ang lahat ng text sa page, naka-format man ito bilang text o bahagi ng isang imahe o larawan.

Isaling wika sa Listening mode
Makinig sa, kahit na anong wika ang sinasabi. Binibigyang-daan ka ng bagong Listening mode ng Interpreter na isalin ang one-way na komunikasyon, gaya ng lektura o presentasyon, sa iyong wika.

Gawing mga tala ang mga voice recording
Mas madali nang gumawa ng mga tala gamit ang Samsung Notes, kahit na gamit lang ang iyong boses. Maaari mo na ngayong i-transcribe ang mga voice recording sa mga text na tala na maaari mong i-edit, ibuod, at higit pa.

Isaling wika at ibuod ang mga PDF
Gumagana na ngayon sa mga PDF file ang tampok na pagsasaling wika at pagbuod ng Note assist nang hindi na kailangang i-convert muna ang mga ito na mga tala. Lalabas ang isinaling wika na text sa orihinal na format ng PDF.

Awtomatikong tukuyin ang mga wika sa Voice Recorder
Gamitin ang Transcript assist upang mai-convert sa text ang pag-record ng mga pagpupulong, lektura, voice memo, at higit pa. Awtomatiko nang nade-detect ngayon ang wika ng iyong pag-record, kaya maaari mo nang laktawan ang pagpili ng wika at pumunta na mismo sa transcript.

I-edit ang mga voice recording at transcript
Pagkatapos mong gumawa ng transcript sa Voice Recorder, maaari mo na ngayong i-edit ang text upang maayos ang anumang mga error, maalis ang hindi kailangang mga bahagi, o makapagdagdag ng bagay na nawawala. Maaari mo ring i-edit ang narekord na audio mismo sa pamamagitan ng pagtanggal sa mga bahaging hindi mo kailangan.

Lumikha ng epic na mga larawan

Buhayin ang mga larawan gamit ang mga Live effect
Bigyan ang iyong mga paksa ng parang buhay na hitsura sa pamamagitan ng paglalapat sa iyong mga larawan ng nakamamanghang mga cinematic effect sa mga tao at hayop.

Mabilisang i-save at ibahagi ang Instant slow-mo na mga clip
Pagkatapos manood ng video sa instant slow-mo, maaari mong i-save ang bahagi ng video na iyong pinabagal. Kapag nagbahagi ka ng video, ang huling seksyong napanood mo sa slow-mo ay magagamit din para sa pagbabahagi.

Lumikha ng nakakatuwang animated na mga sticker at mga GIF
Pindutin nang matagal ang anumang bagay mula sa motion photo upang mai-clip ito, pagkatapos ay agad gawin itong animated na sticker o GIF na maaari mong ibahagi sa iba.

I-clip ang kailangan mo lang
Pindutin nang matagal ang isang tao o bagay sa anumang larawan upang mai-clip ito. Maaari ka na ngayong mag-clip ng maraming mga item nang sabay-sabay. Pagkatapos mag-clip, madali mong magagawang sticker ang iyong pinili o kopyahin at i-paste ito sa ibang lugar.

I-unlock ang isang mas malusog na ikaw

Tumuklas ng bagong mga insight at manatiling nakaudyok
Manatiling inspirado sa buong karanasan mo sa kalusugan gamit ang bagong mga tip sa kalusugan sa Samsung Health. Nag-aalok ang mga tip sa kalusugan ng mahahalagang mga insight at paghihikayat upang matulungan kang makamit ang iyong mga layunin sa kalusugan.

I-monitor ang iyong mga level ng enerhiya sa Galaxy AI
Ipinapakita ng bagong energy score ng Samsung Health ang iyong pisikal at mental na kondisyon batay sa iyong pagtulog at pisikal na aktibidad. Kung mababa ang iyong energy score, pinakamainam na magpahinga. Kung mataas ang iyong energy score, baka oras na na magtakda ng isang personal best sa iyong paboritong ehersisyo. Nagbibigay ang Galaxy AI nga naka-personalize na mga pananaw at motibasyon upang mapanatili ka sa tamang daan.

Makakuha ng mas detalyadong pag-analisa sa tulog
Binibigyan ka ng bagong mga sleep insight ng mas detalyado at tukmang paganalisa sa kalidad ng iyong tulog. Kasama na ngayon sa komprehensibong ulat ng iyong pagtulog ang iyong heart rate, bilis ng paghinga, at ang tagal bago ka makatulog pagkatapos mong humiga.

Gumawa ng iyong sariling mga routine ng workout
Pagsamahin ang isang serye ng iba’t-ibang mga ehersisyo para sa isang custom na routine ng workout. Makakapagtakda ka ng mga target para sa mga set, mga rep, oras, at marami pa. Pagkatapos mong mag-umpisa sa iyong routine, awtomatikong makakapag-switch ang iyong watch sa susunod na ehersisyo kapag naabot mo na ang iyong target. Makakapagdagdag ka ng opsyonal na mga break sa pagitan ng mga ehersisyo. Kapag natapos ang iyong routine, makikita mo ang iyong mga resulta para sa buong routine lahat sa isang lugar.

Ikonekta ang mga cycling power meter
Kumuha ng mas kapaki-pakinabang na data mula sa iyong mga workout sa pagbisikleta. Suportado na ngayon ng Samsung Health ang pagkonekta sa mga cycling power meter na nakakabit sa iyong bisikleta. Nagbibigay-daan ang power meter na masubaybayan mo ang iyong functional threshold power (FTP) upang mabigyan ka ng higit na mga insight sa iyong pagsasanay.

Maging mas produktibo

Iminumungkahing mga aksyon para sa Smart select
Mabilis na kumilos batay sa ipinapakita sa iyong screen. Kapag pumili ka ng isang bagay sa iyong screen gamit ang Smart select, makakakuha ka na ngayon ng iminumungkahing mga aksyon kaugnay sa iyong pinili. Mabilis kang makakatawag sa mga numero ng telepono, makakahanap ng mga adres, mapahusay ang mga larawan, at higit pa. Maa-access na ngayon ang Smart select sa Apps Edge panel.

Pinahusay na karanasan sa multi window
Mas madali na kaysa dati ang lumipat sa pagitan ng picture-in-picture at split screen. Pindutin nang matagal ang isang video na nagpe-play sa picture-in-picture, pagkatapos ay i-drag ito sa gilid ng screen kung saan mo gustong i-play ito.

Mas madaling pagkopya at paglipat ng file
Mas madali na kaysa sa dati ang paghanap ng tamang folder kapag kumukopya o naglilipat ng mga file sa Aking mga File. Maaari mo na ngayong piliin ang destinasyong folder sa isang pop-up na window upang madali mong maibalik ang orihinal na folder kapag tapos ka na.

Lumikha ng mga shortcut ng file sa Home screen
Magkaroon ng mas mabilis na access sa mga file na pinakamadalas mong ginagamit. Pindutin nang matagal ang anumang file sa Aking Mga File, pagkatapos ay gamitin ang iyong kabilang kamay upang mag-navigate sa Home screen. I-drop ang file kahit saan sa iyong Home screen upang makalikha ng shortcut sa file.

Pinahusay na pag-display ng larawan ng thumbnail
Tingnan kung paano lalabas ang mga larawan bago mo buksan ang mga ito. Ang mga thumbnail na Imahe para sa mga larawan at video sa Aking Mga File ay lumalabas na ngayon sa orihinal na aspect ratio.

I-automate ang iyong watch gamit ang mga mode at routine
Ang mga mode na itinakda mo sa iyong phone, gaya ng Sleep mode, Exercise mode, o Theater mode, ay awtomatiko na ngayong makakakontrol sa mas marami sa settings ng iyong watch batay sa iyong ginagawa o kung nasaan ka. Dagdag pa sa mga Mukha ng orasan at Huwag istorbohin, makokontrol na rin ngayon ng mga mode ang Always On Display, Itaas ang pulso para gisingin, Pindutin ang screen para gisingin, Ipihit ang bezel para gisingin, Sound mode, at Mga alerto sa pagkakadiskonekta.  Maaari ka ring gumamit ng mga routine upang makontrol ang mga pagkilos na ito ng watch.

.Higit pang mga opsyon sa pag-filter ng mensahe
Kapag lumikha ka ng isang routine na nagsisimula kapag nakatanggap ka ng isang mensahe o notification, mayroon ka na ngayong mas fine-tuned na kontrol. Maaari kang magdagdag ng maraming keyword at piliing simulan ang routine kapag naisama ang lahat ng mga keyword o kapag naisama ang anumang keyword sa mensahe o notification.

Mas marami pang mga pagpapahusay

Idisenyo at ibahagi ang iyong profile card
Idisenyo ang iyong sariling profile card gamit ang iyong pangalan at larawan na makikita ng ibang mga user ng Galaxy kapag tinawagan mo sila o kapag tiningnan nila ang iyong impormasyon sa pakikipag-ugnayan. Maaari ka ring lumikha ng mga profile card para sa ibang mga tao sa iyong mga contact upang makita mo ang kanilang kard kapag tumawag sila sa iyo.

Pasadahan ang mga video nang mabilisan
Magtipid ng oras at pagsisikap gamit ang bagong mga kontrol sa paghahanap ng video sa Video Player app. I-double tap ang kanang bahagi ng screen upang umabante nang 5 segundo. I-double tap ang kaliwang bahagi ng screen upang umatras nang 5 segundo.

Sagutin ang mga tawag sa pamamagitan ng pag-tap sa halip na pag-swipe
Kung nahihirapan kang mag-swipe, maaari mong itakda ang iyong telepono na sagutin ang mga tawag sa isang simpleng pag-tap sa isang button.

Sagutin ang lahat ng tawag gamit ang speaker
Tamasahin ang mas madaling hands-free na mga tawag. Kung mas gusto mong tumanggap ng mga tawag sa speaker, binibigyang-daan ka ng bagong setting na sagutin ang lahat ng tawag sa speaker bilang default sa halip na manu-manong lumipat para sa bawat tawag.

Tumanggap ng madalas na update sa lagay ng panahon
Manatiling handa para sa biglaang mga pagbabago sa lagay ng panahon. Awtomatiko nang nag-a-update ang impormasyon ng lagay ng panahon nang hindi bababa sa isang beses bawat oras upang matiyak na palaging nasa iyo ang pinakabagong mga forecast.

Napakalakas na seguridad
Kung mayroon kang espesyal na mga pangangailangan sa seguridad, maaari mo na ngayong itakda ang Auto Blocker na maglapat ng maximum na mga pagbabawal upang makuha ang pinakamataas na antas ng proteksyon laban sa malware at mga banta sa seguridad. Hinahadlangan ang mga hyperlink at awtomatikong pag-download ng mga attachment sa mga mensahe, inaalis ang data ng lokasyon kapag nagbabahagi ng mga larawan, at hindi magagamit ang mga nakabahaging album sa Gallery.

Pinahusay na Assistant menu
Maaari mo na ngayong buksan ang quick panel sa isang pag-tap lang. Mayroon ka ring higit na kontrol sa pisikal na mga button. Gamitin ang Assistant menu upang mapindot nang matagal o mapindot nang dalawang beses ang button sa Gilid.