Samsung Firmware SM-A236B SIM A236BXXU3CWC1 A236BOXM3CWC1 A236BXXU3CWC1 | TL

Update ng One UI 5.1

Nile-level up ng One UI 5.1 ang iyong phone gamit ang mga bagong feature ng Gallery pati na rin ang mga pagpapahusay sa pagiging produktibo at pag-personalize.

Camera at Gallery

Mas mahusay na paghahanap
Maaari ka na ngayong maghanap sa iyong Gallery ng higit sa isang tao o paksa nang sabay. Maaari ka ring maghanap ng mga tao nang hindi tina-tag ang kanilang mga pangalan sa pamamagitan lamang ng pag-tap sa kanilang mga mukha.

Gumawa ng nakabahaging album ng pamilya
Mas madali na ngayon na magbahagi ng mga larawan sa iyong pamilya. Magrerekomenda ang Gallery ng mga larawang idaragdag sa iyong nakabahaging album ng pamilya sa pamamagitan ng pagkilala sa mga mukha ng mga kapamilyang iyong pinili. Makakakuha ka ng 5 GB na storage para sa bawat kapamilya (hanggang 6 na tao).

Binagong display ng impormasyon
Kapag nag-swipe ka pataas habang tumitingin ng larawan o video sa iyong Gallery, makikita mo kung kailan at saan kinuha ang larawan, aling device ang kumuha ng larawan, kung saan naka-store ang larawan, at marami pa. May mas simple nang layout ngayon.

Multitasking

Madaling i-minimize o lumipat sa full screen
Maaari mo na ngayong i-minimize o i-maximize ang isang window ng app nang hindi pumupunta sa menu ng mga opsiyon. I-drag lang ang isa sa mga sulok.

I-access ang iyong mga pinakaginagamit na app sa split screen
Kapag nagsimula ka ng split-screen na view, ipapakita ang mga app na pinakamadalas mong ginagamit sa ibaba ng iyong mga kamakailang ginamit na app upang matulungan kang mahanap ang mga app na kailangan mo nang mas mabilis.

Mga Mode at Routine

Magpalit ng wallpaper batay sa iyong mode
Magtakda ng ibang wallpaper batay sa iyong kasalukuyang aktibidad. Pumili ng isang wallpaper para sa trabaho, isa para sa pag-eehersisyo, at marami pa.

Higit pang aksyon para sa mga routine
Binibigyang-daan ka na mga bagong aksyon na kontrolin ang Quick Share at sensitivity ng Touch, palitan ang iyong ringtone, at baguhin ang estilo ng font mo.

Lagay ng panahon

Mabilis na access sa kapaki-pakinabang na impormasyon
Tingnan ang mga alerto sa malalang lagay ng panahon, mga pang-araw-araw na buod ng lagay ng panahon, at mga oras ng pagsikat/paglubog ng araw sa itaas ng app na Lagay ng panahon. Gumagamit na ngayon ang graph ng temperatura ng mga kulay upang maipakita kung paano nagbabago ang temperatura sa paglipas ng araw.

Graph ng pag-ulan kada oras
Ipinapakita na ngayon ng isang graph kung gaano kadami ang pag-ulan sa iba't ibang oras sa isang araw.

Buod tungkol sa widget na Lagay ng panahon
May makikita na ngayong maikling buod ng mga kasalukuyang kundisyon ng lagay ng panahon sa widget ng lagay ng panahon upang ipaalam sa iyo kung maaraw, maulap, umuulan, o nagniniyebe.

Samsung Internet

Magpatuloy sa pag-browse sa ibang device
Kung nagba-browse ka sa web sa isang Galaxy phone o tablet at binuksan kalaunan ang Internet app sa ibang Galaxy device na naka-sign in sa parehong Samsung account, may lalabas na button na magbibigay-daan sa iyong buksan ang huling webpage na iyong tinitingnan sa kabilang device.

Pinahusay na paghahanap
Kasama na ngayon sa iyong mga paghahanap ang mga pangalan ng mga folder ng bookmark at mga grupo ng tab. Binibigyang-daan ka ng pinahusay na lohika ng paghahanap na mahanap ang iyong hinahanap kahit na may hindi naibaybay nang tama.

Mga karagdagang pagbabago

Tingnan ang antas ng baterya ng iyong mga device
Binibigyang-daan ka ng bagong widget na Baterya na tingnan ang antas ng baterya ng iyong mga device, mula mismo sa Home screen. Makikita mo kung gaano na lang kahaba ang itatagal ng baterya ng iyong phone, Galaxy Buds, Galaxy Watch, at iba pang suportadong device.